Łéngua rumena

El rumen oben romen el xe ła łéngua uficial de ła Romanìa e de ła Repùblica de Moldàvia: ła ga na baxe łatina ma, vista ła poxision geogràfica, ła xe influensà forte dal sostrato slavo che gh'era prima che rivase i Romani a portar el łatin.

Łéngua rumena

limba română e românește‎
Nome locaƚe	limba română
Tipo	łéngua naturałe e łéngua viva
Parlà in	Romania, Moldavia, Voivodina, Rusia, Ucraina, Israele, Serbia, Ungheria, Balcani, Itałia, Spagna, Canada, USA.
Autòctono de	Romania e Moldàvia
Parlanti
Totałe	26 milioni (2019 )
Clasifega	36
Caratarìsteghe
Scritura	alfabeto latin
Clasifegasion lenguìstega
łéngua umana łéngue indoeoropee łéngue itàłeghe łéngue romanze łéngue balcoromanze
Statuto ofisałe
Lengua ofisałe in	Romania, Republica de Moldavia, Voivodina (Serbia) Organixasion internassionałi: Union Europea, Unione Łatina.
Regoƚà da	Academia Română
Istòria	storia della lingua romena (it)
Epònemo	rumeni
Còdazi
ISO 639-1	ro/mo
ISO 639-2	(B)rum/mol, (T)ron/mol
ISO 639-3	ron
SIL	RUM
Glottolog	roma1327
Linguasphere	51-AAD-c
Ethnologue	ron
ASCL	3904
IETF	ro
Toco in lengua
Declarasion Universaƚe dei Deriti de l'Omo, art. 1 Toate fiinţele umane se nasc libere şi egale în demnitate şi în drepturi. Ele sunt înzestrate cu raţiune şi conştiinţă şi trebuie să se comporte unele faţă de altele în spiritul fraternităţii.
Destribusion zeogràfega
Distribusion geografica del rumen

El rumen el xe ła soła łéngua romanza che ła ga mantegnù na declinasion su nomi e agetivi, seben che l'abia sol che tri caxi nominacuxativo (=nominativo+acuxativo), genitdativo (=genitivo+dativo) e vocativo. Soło i pronomi i fa védar tuti quanti i caxi ben separài.

El ga n'artìcoło determinativo finałe come łe łéngue nòrdiche come el svedéxe mentre l'artìcoło indeterminà el xe preposto come in vèneto: "om" (omo), "omul" (l'omo), "un om" (n'omo); "fată" (tóxa), "fata" (ła tóxa), "o fată" (na tóxa).

Ła declinasion ła se véde soratuto sui artìcołi, in particołar sui determinativi maschiłi che i vien zontài in fóndo a ła paroła:

Declinasion co artìcoło det. maschiłe finałe
Nominacuxativo	Omul (sojeto e ojeto: l'omo)
Vocativo	Omule (omo! cio, omo!)
Genitdativo	Omului (conpl.: de/a l'omo)

De sòłito invesse i nomi feminiłi i fa védar calche difarensa de caxo diretamente su ła raixa, anca sensa artìcoło finałe, ma el vocativo el tende confóndarse col nominacuxativo:

Declinasion feminiłe sensa artìcoło finałe
Nominacuxativo	o fată (sojeto e ojeto: 'na tóxa)	Maria (sojeto e ojeto)
Vocativo	fată! (tóxa! cio tóxa!)	Mario (Maria! cio, Maria!)
Genitdativo	unei fete (conpl.: de/a na tóxa)	Mariei (conpl.: de/a Maria)

I artìcołi determinài plurałi finałi i fónde senpre el vocativo col genitdativo e i xe:

Declinasion maschiłe e feminiłe/nèutra plurałe co art. det. finałe
Nominacuxativo	Oamenii (sojeto e ojeto: i òmeni)	Fetele (sojeto e ojeto:łe tóxe)
Vocativo	Oamenilor (òmeni! cio, òmeni!)	Fetelor (tóxe! cio tóxe!)
Genitdativo	Oamenilor (conpl.: ai/dei òmeni)	Fetelor (conpl.:a/de łe tóxe)

El nèutro el segue el maschil al singołar e el feminil al plural: "centrul" (el séntro) vs. "centrele" (i sintri).

I verbi i ga na coniugasion rica de finałi sensa clìtici sojeto, tipo queła de l'itałian o del spagnoło: merg (vo), mergi (te ve), merge (el/ła va), mergem (némo) ma el futuro el se fa co l'auxiłiar "vołer" a vrea, come altre łéngue balcàniche e come l'ingléxe "will": vreau să merg (ndarò), leteralmente "vojo che vago = vojo ndar = ndarò".

Łéngoe indoeuropee · Łéngoe romanze

Latin † · Latin volgare † Romanzo insulare: Sardo (Sardo campidanexe · Sardo logudorexe) Romanzo ocidentałe Grupo iberico: Aragonexe · Asturian · Gałisian · Leonexe (Mirandexe) · Portoghexe · Spagnoło/Castiglian Gruppo galo-romanzo: Catałan · Francexe · Furlan · Francoprovensal · Ladin · Ocitan · Romancio · Vałon · Vèneto Romanzo orientałe Grupo italian: Corso · Gałurexe · Sasarexe · Itałian (Diałeti itałiani) · Napołetan Grupo siciłian: Siciłian Grupo balcanico: Rumeno · Dalmatico † · Istrioto Romanzo meridionałe: Mozarabico †