Giografia de la Republica Democratica del Congo

La Republica Democràtega del Congo (la se ciamava Zaire fin al 17 magio 1997) la xe na naxion de l’Africa Sentrałe. El Congo el xe a caval de l’equatore en te l’ovest del continente e el confina co la Republica Sentrafricana par 1 577 km, a nord-est co el Sud Sudan par 628 km, a est co l'Uganda (765 km), el Ruanda (217 km), el Burundi (233 km) e la Tanzania (459 km), a sud co lo Zanbia (1.930 km) e l'Angola (par 2 511 km, 225 km i xe co l'exclave angolana de Cabinda) e a nord-ovest con la Republica del Congo (2 410 km). Co i so 2 345 410 km² el xe el secondo paexe de l’Africa par estenxion.

Mapa de la RDC

Morfołozia canbia

Quasi tuto el paexe el xe baso e el forma el bazin del Fiume Congo el secondo fiume africano par lunghesa e el primo par portata de aqua. Tuto el paexe el xe cuerto da foreste tropicali e taja da miliari de corsi d’aqua. I Monti Mitumba i fa da confin co Ruanda e Burundi, e la cadena del Virunga, quasi tuti vulcani, la se cata al confin co Rwanda e Uganda. A sud, se cata i monti de lo Shaba e del Katanga. La montagna pi alta la xe el Monte Stanley (5 190 m) al confin co l’Uganda.

Aque canbia

I fiumi pi inportanti i xe: el Congo, 4 374 km, l’Ubangi, 2 300 km, el Kasai 1 950 km, e el Lomami 1 500 km. Se cata parò miliari de fiumi pi curti che i porta l’aqua a uno de i pi grandi. I fiumi i xe anca le pi inportanti vie de comunicaxion par el paese. El Congo el xe navigàbiłe fin a Kisangani, 4 000 km dal mar. El Lago Tanganica, el Lago Alberto, el Lago Mweru, el Lago Edoardo, e el Lago Kivu i xe divixi tra Congo e altri paexi de la region de i Grandi Laghi.

Clima canbia

El clima el xe caldo e umido co forti piove tuto l’ano. A nord se cata na zona de savane al confin co el Sud Sudan.


Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Giografia_de_la_Republica_Democratica_del_Congo&oldid=1099888"