Tratai de l'Union Eoropea

Tratai de l'Union Eoropea
Sorte	Multilateral treaty (en)
Parte de	acquis comunitàrio e derito de l'Union Eoropea
Zurisdision	Union Eoropea
Formà da
Tratà de l'UE
Carta dei Deriti Fondamentałi de l'UE
tratà sul funsionamento de l'UE
EURATOM

I Tratai de ła Union Eoropea i ze i testi costitusionałi de baze de ła Union Eoropea (UE). In sti tratai i vien stabiłii i obietivi de ła Union e łe vien delineae łe difarenti institusion destinae a asòlvare a sti obietivi.

Stòria

El Tratà che l'istutuise ła Comunità econòmega eoropea (Tratà de Roma, efetivo dal 1958) e el Tratà so l'Union Eoropea (Tratà de Maastricht, efetivo dal 1993), i costituise unitariamente ła baze legałe de l'UE. Sti cuà i ze partanto conosesti cofà "tratai fondativi" o "tratai istitutivi"; sti do tratai i ze stai modifegai vàrie volte da ła so aprovasion, par via de "tratai emendativi", instrumento doparà par ła modìfega dei suscrivesti tratai.

De sevente de łe modìfeghe fate dal tratà de Lisbona, l'atuałe despozision de l'ordenamento zurìdego de l'Union ła prevede el "Tratà su l'Union eoropea" (derivante da ła modìfega del TUE creà dal tratà de Maastricht) e el "Tratà sul funsionamento de l'Union eoropea" (derivante da łe reforme del TCEE). Par cuanto che sìpia zeneralmente pusìbiłe rentrasar un caràtaro de major tecnisità e spesifisità inte el TFUE, i tratai, inte el so art. 1, i prevede che tuti i gàpia el isteso e conpagno vałore zurìdego, condividesto anca co i protocołi a lori ligai, costituendo el vèrteze zeràrchego de l'ordinamento de l'Union eoropea.

Tratai ratifegai

Lejenda par ła toła sotostante: [Fondanti] - [Emendanti] - [Aceso] - [Esterni]

Tratà	Istitusion/Modìfega	Firmà a	Firmà el	In vigor da	Fora règoła da
Tratà de Borseła	Union de l'Eoropa Osidentałe	Borseła, BE	17 de marso 1948	23 de otobre 1954 (modifegà)	1º de lujo 2011^[1]
Tratà CECA	Comunità eoropea del carbon e de l'aciàio	Parize, FR	18 de apriłe 1951	23 de lujo 1952	23 de lujo 2002^[2]
Tratà CEE	Comunità econòmega eoropea	Roma, IT	25 de marso 1957	1º de zenaro 1958	in vigore
Tratà Euratom	Comunità eoropea de l'enerzia atòmega	Roma, IT	25 de marso 1957	1º de zenaro 1958	in vigore
Tratà de fuzion	Union dei ezecutivi de CECA e EURATOM co chełi de ła CEE	Borseła, BE	8 de apriłe 1965	1º de lujo 1967	1º de majo del 1999^[3]
Primo Tratà Finansiàrio	Parte de poderi al Parlamento	Lusenburgo, LU	22 de apriłe 1970	1º de zenaro 1971	in vigore
Tratà de Adezion del 1972	Slargamento a Danemarca, Irlanda e Regno Unio	Borseła, BE	22 de zenaro 1972	1º de zenaro 1973	in vigore
Secondo Tratà Finansiàrio	Poderi finansiari pì grandi al Parlamento Istitusion de ła Corte dei conti eoropea	Borseła, BE	22 de lujo 1975	1º de zugno 1977	in vigore
Tratà de Adezion del 1979	Slargamento a ła Gresa	Atene, GR	28 de majo 1979	1º de zenaro 1981	in vigore
Tratà de ła Groenlàndia^[4]	Receso de ła Groenlàndia	Borseła, BE	13 de marso 1984	1º de febraro 1985	in vigore
Tratà de Adezion del 1985	Slargamento a Spagna e Portogało	Madrid, ES Lisbona, PT	12 de zugno 1985	1º de zenaro 1986	in vigore
Acordi de Schengen	Spàsio de lìbara sircołasion de łe persone	Schengen, LU	14 de zugno 1985	19 de zugno 1990 (convension)	1º de majo del 1999^[5]
Ato ùgnoło eoropeo	Introduzesti el Marcà ùgnoło e la Cooperasion pułìtega eoropea	Lusenburgo, LU L'Aia, NL	17 de febraro 1986 28 de febraro 1986	1º de lujo 1987	in vigore
Tratà so l'Union Eoropea	La CEE divien Comunità eoropea Istitusion dei piłastri intergoernativi de ła PESC e del GAI.	Maastricht, NL	7 de febraro 1992	1º de novenbre 1993	in vigore
Tratà de Adezion del 1994	Slargamento a Austria, Finlàndia e Svèsia	Corfù, GR	24 de zugno 1994	1º de zenaro 1995	in vigore
Tratà de Amsterdam	Introduzesto l'Alto Raprezentante Trasferii poderi dal GAI a ła CE Integrai i Acordi de Schengen	Amsterdam, NL	1º de otobre 1997	1º de majo 1999	in vigore
Tratà de Nisa	Pareciamento par i slargaminti	Nisa, FR	26 de febraro 2001	1º de febraro 2003	in vigore
Tratà de Adezion del 2003	Allargamento a Repùblega Ceca, Cipro, Estònia, Letònia, Lituània, Malta, Połònia, Slovènia, Slovàchia e Ungaria	Atene, GR	16 de apriłe 2003	1º de majo 2004	in vigore
Tratà de Adezion del 2005	Slargamento a Bulgaria e Romania	Lusenburgo, LU	13 de apriłe 2005	1º de zenaro 2007	in vigore
Tratà de Lisbona	Conpletamento de łe inovasion par el bon funsionar de l'UE a 27 e pì menbri	Lisbona, PT	13 de disenbre 2007	1º de disenbre 2009	in vigore
Tratà sul MES	Istitusion del mecanismo eoropeo de stabiłità	Borseła, BE	2 de febraro 2012^[6]	27 de setenbre 2012	in vigore
Tratà sul bałanso	Union de bałanso inte l'Eorozona	Borseła, BE	2 de majo 2012^[7]	1º de zenaro 2013	in vigore
Tratà de adesione del 2011	Slargamento a ła Croàsia	Borseła, BE	9 de disenbre 2011^[8]	1º de lujo 2013	in vigore
Acordo de receso del Regno Unio	Receso del Regno Unio da l'Union eoropea	Borseła, BE Londra, UK	24 de zenaro 2020	1º de febraro 2020	in vigore