Storia de São Tomé e Príncipe
La storia de São Tomé e Príncipe la scominsia co l’arivo de i portoghexi in tel 1469. Prima de alora, le ìzołe le xera disabità. El navigator Fernando da Pó el xe rivà so l’ìzoła de São Tomé e la ga ciamà così perché el xera la festa de l’apostolo Tomaso (3 lulio). I portoghexi i ga subito caio l’inportansa de verghe na baxe so le ìzołe. En tel 1293, Alvaro Caminha el ga fondà el primo abitato stàbiłe de São Tomé. Caminha el ga vu el dirito de abitar a São Tomé in concesion dal re del Portogalo. En tel 1500, anca l’ìzoła de Príncipe la xe stà colonizà a lo steso modo.
I primi coloni no xera tanti parché nisun volea ndar a abitar so le ìzołe. El governo el ga mandà i indesiderabili, sora-de-tuto ebrei che el volea espelar dal Portogalo. Le coxe le xe canbià co i se sa acorti che la tera la xera fertile e bona par la cltivasion de la cana da sucaro. Par sgrandir le coltivasion i portoghexi i ga portà i sciavi. En pochi ani, le ìzołe le xe diventà el pi grande produtor de sucaro de l’Africa. En tel 1522, el Portogalo el ga tolto el control direto de l’aministrasion de São Tomé, e in tel 1573 anca de Príncipe.
La produsion de sucaro de qualità in Eoropa la ga fato perdar el marcà a São Tomé e Príncipe. A lo steso tenpo, le ìzołe le xera diventà el sentro de smistamento de i scaivi che i partea par el Brazil. La cana da sucaro la ga lasà el posto a cafè e cacao. El caco el xe oncora la produsion agricola pi inportante de São Tomé e Príncipe. Par rendar le piantagioni produtive, i portoghexi i ga adotà el sistema del "roças", coltivasion intensive. I responsàbiłi de le roças i podea forzar i contadini a laorar. Co sto sistema, anca se la s-ciavitù la xera stà abolia in tel 1876, i paroni i controlava la vita de i ex sciavi. Tute le proteste le xe stà fermà co la violensa. El masacro de Batepá del 1953 el ga lasà centinara de morti par le strade, ma el ga anca spinto la popolasion al canbiamento. On grupo de lavoradori i ga fondà el Movimento par la Libarasion de São Tomé e Príncipe in Gabon. Co la fin de la ditatura de Caetano in Portogalo, el novo governo el volea disfarse de le colonie. L’indipendensa la xe rivà el 12 lulio 1975 e Manuel Pinto da Costa el xe diventà presidente.
Democrasia
canbia
En tel 1990 el paexe el stà tra i primi a pasar a la democrasia e al multipartiismo. Miguel Trovoada, che el xera stà ministro e che el vivea in bando dal 1986, el xe tornà e el xe stà eleto presidente. Da alora, el paexe el ga visto l’alternansa tra i partii. L’atual presidente, Fradique de Menezes, el ga subì on colpo de stato in tel 2003 co el xera in Nizeria. El colpo de stato el xe rientrà subito co l’intervento del governo nizeriano. El paexe el ga vaste riserve de petrolio.
