Stòria de Cao Verdo

Cheło che te ghè schcià el rimanda a sta voxe, parché el xe on so sinònemo o el vien esplegà cuà drento. rimandamento da Storia de Capo Verde

La Storia de Cao Verdo la scominsia co l’arivo de i portoghexi. No ghera xente che abitava stabilmente su le ixole prima de lori.

L'arsipelago de Cao Verdo

Ancò, le ixole de Cao Verdo le ga na popolasion che la riflete i popoli che i xe rivà su ste ixole durante la colonixasion: portoghexi, africani da tuta la costa orientale del continente, axiateghi e statunitensi.

PortoghexiCànbia

 
Stema de Cao Verdo inte el tenpo de ła cołònia

La leteratura greca e latina la ga de le referense a le ixole de Cao Verdo, ciamade Gorgades par ricordar el mitego Gorgon che el gavea copà Perseo. Anca se le ixole le xera dexabitae prima de l’arivo d ei portoghexi, pescatori de la costa africana – da le rejon che le diventarà el Senegal e la Guinea – i usave le ixole come baxe durante la pesca. I arabi i se rifaria a ste ixole col nome de Aulil. El nome de Cao Verdo el vien da cuelo del Cao Verdo che se cata en Senegal.

El capitan venexian Alvise Cadamosto (Venexia 1432 – 18 lujo 1488) el xe rivà a l’arsipelago de Cao Verdo en tel 1456. Cadamosto laoraa par el principe portoghexe Enrico el Navigator. I portoghexi i xe tornai su le ixole en tel 1462 par fondar la sità de Ribeira Grande (ancò Cidade Velha) su l’Ixola de Santiago. I portoghexi i ga portà i sciavi de l’Africa ocidentale par laorar la tera e i porti de Cao Verdo i xe presto diventà inportanti par la trata de sciavi e de altre marcansie da l’Africa a le Meriche. La richesa de la cavedal la ga tirà i pirati, conprendesto Francis Drake che el ga atacà Ribeira Granda en tel 1582 e en tel 1585. I fransexi i ga atacà en tel 1712. Da alora Ribeira Grande la ga perso inportansa fin che Praia la xe diventà cavedal en tel 1770.

sicitàCànbia

Co i portoghexi i xe rivà so l’arsipelago, le ixole le gave na vegetasion consistente. Dopo pochi ani, l’abuso de i tereni par l’agricoltura e l’alevamento le gavea trasformà tanti posti in aree semi-desertiche. En tel 1747 le ixole le ga soferto la prima de tante sicità. En tel XVIII e XVIIII secolo, pi de 100.000 persone le xe morte de fame causà da la sicità. El governo portoghexe el no ga mai mandà de i socorsi.

En tel XVIIII secolo ghe stà anca l’abolision de la sciavitù, che la xera a la baxe de la richesa de l’arsipelago. I portoghexi de Cao Verdo i ga emigrà en i Stati Unii par laorar co le conpanie baleniere.

L’economia de Cao Verdo la xe stà aiutà da le nove linee mercantili che traversava l’Atlantego. El porto de Mindelo el xera na sosta ideale par le nave che le dovea embarcar acua da bear, carbon e animali da maselo. Anca sto sboco economego el xe finio co la seconda guera mondiale e co la fin de i viaji transaoseaneghi.

IndipendensaCànbia

 
Pedro Pires

I portoghexi i no ga mai tratà ben i africani. A Cao Verdo, parò, i ga fato mejo che en te le altre colonie. A l’indipendensa, el 26% de i capoverdiani i savea lexar, contro el 5% de i abitanti de la Guinea Bissau. A Cao Verdo i portoghexi i gavea anca costruio na scola superiore. En tel 1956, Amílcar Cabral co altri panafricanisti el ga fondà el Partito Africano par l’Indipendensa de la Guinea e del Cao Verdo. Le domande de indipendensa no le podea esar capié da i portoghexi, governadi da na ditatura de destra. I abitanti de Cao Verdo e de la Guinea Bissau i ga combatu imsieme par l’indipendensa. Dopo la fine de la ditatura (avril 1974) i portoghexi i ga dato l’indipendensa a tute le colonie. Guinea Bissau e Cao Verdo le volea formar on solo paexe.

El progeto de unità el xe finio co el colpo de stato del 1980 a Bissau. Cao Verdo el ga volù ndar vanti su la strada de la democrasia alontanandose da la Guinea Bissau. El novo partito Partito Africano par l’Indipendensa de Cao Verdo el ga controlà la vita politega de le ixole fin al 1990.

Al tenpo de la primavera democratega (1990-91) anca a Cao Verdo l’oposision politega la ga domandà el ricnosimento ufisiale. En tel avril del 1990, el governo el ga verto le porte al multipartitismo, co l’oposision che la formava el Movimento par la Democrasia. El mono partitismo el xe stà abolì el 28 setembre 1990 e le prime elesion multipartiteghe le xe stà nel genaro 1991. El Movimento par la Democrasia el ga vinto la majoransa en tel parlamento e la presidensa. António Mascarenhas Monteiro el xe stà eleto presidente e el xe sucedesto a Aristides Pereira, presidente de Cao Verdo dal 1975. El Movimento par la Democrasia el ga vinto anca le elesion dal 1995 (aministrative) e 1996 (presidensiali). En tel 2000 e 2001, i do partiti i xe rivà a la pari, co el candidato a la presidensa Pedro Pires che el ga vinto par 12 voti.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Stòria_de_Cao_Verdo&oldid=904802"