Storia de la Guinea Equatorial
Come par quasi tuti i paexi de l’Africa Osidentale a sud del Sahel, i primi abitanti de la Guinea Equatoriale i xe stà i pigmei. Ancò se cata oncora de i picoli gupi de pigmei inte le foreste del Rio Muni. I bantu i xe rivà in do ondate migratorie. La prima verso el VII secolo d.C., e la seconda verso el XVII secolo. L’ixola de Bioko la xe sta abitada fin dal VII secolo da etnie che le vegnea dal Camerun.
Eoropei
canbiaEl esplorator Fernando Po el xe rivà a Bioko in tel 1471. Elo el ga ciamà l’ixola Formosa Flora (bel fiore). En tel 1474, i portoghexi i ga mandà i primo coloni che i xe restà fin al 1778. L’ixola de Bioko la xe stà subito ribatezà Fernando Poo par ricordar el primo eoropeo che la gavea visità. En tel 1778, el Portogalo el ga dato la colonia a i spagnoli in canbio de teritori in Sud America.
Colonia spaniola
canbiaI spagnoli no ga mai investì tanto inte la colonia de la Guinea, specialmente inte la zona continentale. Su l’ixola de Bioko i ga meso na coltivasion de cacao e i ga fato vegnar lavoradori da la Nizeria par laorar la tera. I spagnoli i ga costruio scole e dispensari medici che i xera i mejo de tuta l’Africa inte i ani sesanta. En tel 1959, la colonia de la Guinea Spaniola la xe diventà na provincia de la Spagna. En tel 1963 el nome de la colonia el xe stà canbià e quelo de Guinea Equatoriae, co autonomia aministrativa e multipartìtega – co i spagnoli i gavea el partio unico.
Indipendensa
canbiaEl 11 agosto 1968, soto la guida de le Nasion Unie, i guineani i ga votà el referendum par l’indipendensa. I ga anca aprovà la nova Costitusion. Francisco Macías Nguema el xe stà eleto primo presidente e l’indipendensa la xe rivà el 12 otobre 1968. En tel lulio 1970, Nguema el ga proibì tuti i partii manco che el suo e scanselà vari articoli da la Costitusion. Do ani dopo el se sa eleto presidente a vita. El presidente el ga fato serar le scole (1975), opreso la Cexa catolega (tute le cexe erade in tel 1978), fato copar i opositori pułìteghi, e el ga lasà che le infrastruture le ndese in rovina. I laoradori nizeriani, 60 000, i xe scapai via e l’economia la xe ndà a remengo. Nguema el ga promoso la politega de la autenticità, canbiando tuti i nomi cloniali par metar nomi locali. Santa Isabel, la cavedal, la xe diventà Malabo, Fernando Poo la xe stà batezà Masie Nguema Biyogo. En tel agosto 1979, Teodoro Obiang Nguema Mbasogo el ga fato on colpo de stato. El ga ribatezà l’ixola Bioko e promeso d emear ordine inte lo Stato.
Ditatura
canbia
El presidente Obiang el ga subì vari tentativi de colpo de stato, ma el xe sopravisù a tuti. El so sistema de governo el xe la ditatura. Dopo essarse scrito na nova Costitusion, el presidente Obiang el se ga dato tuti i poteri executivi del governo. El presidente ancò el pol far quel chel vol, proclama le legi chel vol lu, fa e disfa el governo. El 70% de i introiti del paexe i va ne le so tasche, sora-de-tuto i schei che i riva dal petrolio. Anca se el prodoto interno lordo par pesona el xe ono de pi grandi del continente, tuta la popolasion la vive ne la povertà.
