Storia de la Costa d'Avorio

La Storia de la Costa d'Avorio la xe recente. Anca se i studiosi i pensa che in tel neolitico i omeni i vivea inte la rejon, no se ga ricatamenti archeologici par sostegnar stà teoria. I primi documenti i risale al 1637, co i francexi i xe rivà a Assinie, so la costa tacà al confin dle Ghana de ancò. I primi eoropei i xe restai longo la costa sensa penetrar in tel interno. Poco dopo l’arivo de i francexi, grupi akan i ga invaso el teritorio e i ga ocupà el sud est e el sentro del paexe. Ent el 1843, l’amiralio francexe Louis Edouard Bouet-Willaumez el ga contratà co i re de la costa e meso i regni soto el protetorato francexe.

Mapa de la Costa d’Avorio

ColoniaCànbia

 
Dona co fetici, 1869.

La Costa d’Avorio la xe diventà na colonia francese el 10 marso 1893. El primo governator el xera Louis Gustave Binger. Dal 1904 al 1958, la Costa d’Avorio la ga fato parte de l’Africa Ocidentale Francexe.

Dopo la seconda Guera Mondiale, el goveno francexe el ga dato la citadinansa francese a tuti i africani de le so colonie, el dirito de organizasion politega e l’abolision del laoro obligatorio. En tel 1956, la Lege Quadro la ga trasferì de i poteri decisionali da Parigi a i governatori de le colonie.

IndipendensaCànbia

En tel 1958, la Costa d’Avorio la xe diventà na repùblega autonoma rentro l’union francexe. L’indipendensa la xe rivà el 7 agosto 1960. La sità de Abidjan la xe stà selta come la nova cavedal. Primo presidente el xe stà eleto Félix Houphouët-Boigny, cao del Partio Democràtego de la Costa d’Avorio e ono de i fondatori del Grupo Democràtego Africano, el pi importante grupo pułìtego inter-rejonale pre-indipendense.

Houphouët-Boigny el sa fato notar dal 1944, co el ga fondà el Sindacato Agricolo Africano, e el xe riusì a far aprovare riforme par favorir la popolasion rurale. Dopo la guera, el xe stà eleto ne l’Asemblea Costituente e el ga rapresentà la Costa d’Avorio al parlamento francexe dal 1946 al 1959. El xe anca stà on ministro del governo francexe. En tel magio 1959 el ga formà el Consilio de Intesa, na organizasion rejonale che metea insieme Costa d’Avorio, Niger, Alto Volta (Burkina Faso), e Dahomey (Benin). Houphouët-Boigny el sostegnea che la solidarietà e la cooperasion econòmega le xera importanti par cresar come Stati africani.

En tel otobre 1990, a le prime elesion multipartìteghe, Houphouët-Boigny el ga vinto sensa problemi e el xe restà in carica fin a la morte, 7 dicembre 1993. El xe sempre stà on politego tradisionalista e conservativo.

DivixionCànbia

Dopo la morte de Houphouët-Boigny, Henri Konan Bédié, vice-presidente e presidente del parlamento, el xe diventà presidente de la Costa d’Avorio. El 24 dicembre 1999, el general Robert Guéi el ga fato on colpo de stato e meso al poter na giunta militare. A le elesion del 2000, Guéi el ga perso e Laurent Gbagbo el ga vinto. Dopo na protesta popolare, i militari i ga dato el poter in man a Gbagbo.

El 19 setembre 2002, la rebelion la xe sciopà in tel nord del paexe. Le etnie de le zone che le se sa ribelà le volea na riforma nasionale, mentre quele de la costa le volea el status quo. Inoltre, i tanti imigrati del Burkina Faso e del Mali i volea on riconosimento del loro laoro e paghe pi alte. Governo e ribeli i ga fato vari tentativi de pacificasion, ma la situasion la resta incerta e la tension alta. El livel de vita el xe cascà tremendamente e no ghe na solusion politega in vista.

Controło de autoritàLCCN (ENsh85069118
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_la_Costa_d%27Avorio&oldid=1032190"