Storia del Burundi
El Burundi, co Etiopia, Egito, Ruanda e Burkina Faso, el xe uno de i pochi Stati africani che el ga conservà na continuità teritoriale col pasà.
Preistoria
canbiaAnca se no ghe ricatamenti paleontologici de rilievo, se sa che i primi abitanti del Burundi i xera pigmei, i twa, che anca ancò i se cata in tel Burundi. A scominsiar dal secolo VII de la nostra era, grupi de bantu i xe entradi in tel paexe e i ga formàna siviltà agricoła. Altri grupi bantu i xe rivà a ondate inte i secołi sucesivi e i ga portà ła metałurgia. I bantu i ga dato vita al popolo hutu. I primi segni de prexensa tutsi i xe del XV sècoło.
Problema de łe etnie
canbiaŁa società burundexe ła xe divisa tra hutu e tutsi, i twa i xe na minoransa picinina. I cołonialisti i ga sostegnù ła teoria de do popołi de origine diversa, una supariore e l’altra inferiore. Sto schema el se spoxava ben co ła teoria che divideva i grupi umani so na scała de vałori dal baso a l’alto, e che ła giustifegava el predominio de i bianchi so i neri. Secondo sta teoria, i tutsi i xe de origine hamitica, e quindi pi nobiłe de i bantu. I sarea vegnù zo da i altipiani etiopici. Altri i dixe che i tutsi i vien dal sud.
I ricercatori moderni i xe contrari a vedar in Hutu e Tutsi do grupi etnici geneticamente diversi. Tanti fatori i fa pensar a on solo grupo che el se sa diviso longo tradision econòmeghe e sociali. I Hutu i xe agricoltori e i Tutsti alevatori. Le diferense fìsiche le se pol spiegar co la dieta e tipo de laoro. Tuti e do i parla el kinyarwanda, on fato difìsiłe da spiegar se i do grupi i gavese veramente na orìxene difarente. El saria el primo caxo de na clase dominante che tol ła łéngua de ła clase inferior. Altro fato che fa pensar a n’origine comune xe l’importansa che tuti e do i ghe da a l’alevamento. La verità la xe che la majoria de le persone le xe uguali e se pol saver l’etnia soło dai nomi. Sicuramente inte el pasà grupi nilotici i xe rivà qûi dal nord, ma no ghe segni stòreghi de na migrasion hamitica traverso el Kenya. Anca i grupi nilotici i xera picinini e no ga łasià trace significative.
Storia moderna
canbiaVerso el XVI sècoło, un dei regni bantu catà a est el ga scominsià a inglobare i altri grupi. El periodo de pi granda espansion el xe queło del re Ntare Rugama (1796 – 1850) che el xe stà bon de conquistar tuto el Burundi e de farghe presion al regno del Ruanda. El re, Mwami, el xera a cao de i nobili. Le tere le xera quasi tute de i nobili e la zente la dovea pagar de i tributi.
En tel 1899 i todeschi i xe rivà in Burundi e lo ga tolto come colonia de l’Africa Orientale Todesca. I re burundexi i ga resistio la penetrasion todesca e l’arivo de misionari. I todeschi i ga risposto co la violensa, e i xe riusidi a controlar el re solo co le armi.
Cołoniałismo
canbiaI todeschi i no xe mai riusidi a controlar propiamente el Burundi. A lo steso tempo, i ga portà małatie sconosiude a ła popolasion locale che le ga decimà la popolasion umana e animale (epidemie del 1914, 1922, 1944). Tra el 1905 e el 1914, metà de la popolasion de i pianori ocidentali la xe morta de malatie foreste. Durante la Grande Guera, i belgi i ga invaso el Burundi e dopo la fin del conflito i sa tegnudi la colonia. I belgi i ga subito apogià i nobili tutsi e afidà a lori l’aministrasion de la colonia. Dopo la seconda guera mondiale, el Belzo el ga parmeso la creasion de partii politeghi. Do le xe stà importanti par la vita del paexe:
- l'Union par el Progreso Naxionale (UPRONA)
- Partio Democràtego Cristiano del Burundi (PDC).
En tel periodo de preparasion a l’indipendensa, el principe ereditario Rwagasore el xe stà asasinà. A le ełesion aministrative del 1961, ła reasion popołare la ga dà ła vitoria a l'UPRONA.
Indipendensa
canbia
El Burundi el xe diventà indipendente el 1° de lujo 1962. El re Mwambutsa IV el ga sercà de darghe n’equilibrio a la tension tra Tutsi e Hutu formando na monarchia costitusionale. En tel 1965, el primo ministro, un Hutu, el xe stà copà, provocando somose popolari de sostegno ai Hutu. En tel 1966, el re Mwabutsa V el xe stà deposto da so fiol Ntare V, a so olta deposto dal so primo ministro, Michel Micombero. Micombero el ga abolio la monarchia e promoso la repùblica. De fato, el xe diventà on ditator che el ga sofià sora i confliti etnici de i ani sesanta.
En tel aprile 1972, i miłitari i ga scatenà el genocidio contro i Hutu considerà ribeli. Omeni, done e butini i xe stà copà sensa proceso. 200 000 huti i xe morti in poche setimane. 150 000 hutu i xe scapadi in Tanzania e Congo. En tel 1976, el colonel Jean-Baptiste Bagaza el ga organisà on colpo de stato. Bagaza el sostegnea i tutsi, ma el ga cambià le legi che regolava el campo agricolo e i raporti sociali al fin de spianar le diferense tra le etnie. En tel 1981, el xe stato eleto cao de stato e el ga scominsià a nor rispetare i diriti umani e a far arestar i so opositori.
En tel 1987 el major Pierre Buyoya el ga deposto Bagaza, sospeso la Costitusion. En tel 1988 i militari i ga scominsià n’altro conflito contro i Hutu, 150 000 persone le xe morte e 300 000 le se sa rifugià fora dal paexe.
En tel 1991, Buyoya el ga aprovà na nova Costitusion par lasarghe spasio a la democrasia. El primo presidente eleto regolarmente el xe stà Merchior Ndadaye, un Hutu, in tel 1993. Dopo pochi mesi, i militari i ga copà Ndadaye. El paexe el xe cascà n’antra olta inte la guera sivile, co la morte de 250 000 persone. En tel 1994 Cyprien Ntaryamira el xe diventà presidente. Dopo pochi mesi, Ntaryamira e el presidente del Ruanda, Juvénal Habyarimana, i xe morti in on incidente aereo provocà da le trupe ribeli de Paul Kagame (ancò presidente del Ruanda). El 8 de apriłe 1994 Sylvestre Ntibantunganya el xe stà eleto presidente del Burundi. I rifugiati ruandexi che scapava dal genocidio e el conflito tra militari e popolasion locale i ga destabilisà el governo. En tel 1996, Buyoya el xe tornà al poter co on colpo de stato, ma la guera sivile no la se sa fermà. Solo in tel 2001 el tratato de tregua el xe diventà ativo. El cao de stato el xe Pierre Nkurunziza.
