Storia del Botswana
La Storia del Botswana la parte da la presensa de popoli boscimani inte la region za in tel paleolitico. I avegnimenti i ga acelerà in tenpi storici, co le migrasioni de i popoli del sud e la proclamasion del protetorato, che la porterà al Botswana moderno.
Preistoria
canbia
So le coline de Tsodilo, in tel nord ovest del paexe, i ricatamenti archeologici i xe stà datadi de 19 000 ani fa.Le popolasioni che le vivea qi le xera de caciatori-racoglitori, del grupo boscimane. I ricatamenti, che i spasia par tut sti ani, i xe xonsistenti co i grupi khoisan che se cata anca ancò in tel Botswana.
I bosimani che i ga visù inte le paludi del delta de l’Okavango i ga canbià stile de vita e i xe diventà pastoralisti. Ancò i khoisan i xe sirca 50 000, so na popolasion de on milion e mezo.
I Khoikhoi che i ga canbià stile de vita par diventar pastoralisti – sirca in tel I secolo a.C. – i ga anca scominsià a ocupar le savne del sud del paexe. L’agricoltura la xe rivà co i primi bantu. Anca la tecnologia d i metali la xe rivà da de fora.
Tswana
canbiaEl grupo pi inportante del paexe e quel che ge dal nome, i tswana, i xe entrà in tel sud sercando i pascoli par le so mandrie. Co l’avegnimento de la difaqane, i ndebele i ga spinto i twasa verso el nord. I tswana i ga sercà riparo in tel deserto del Kalahari. I ndebele i ga proseguì verso el nord par rivar in tel teritorio de lo Zinbabwe. Verso el 1830 i se sa sitemà longo i tereni pi fertili longo el fiume Limpopo. I tswana i se sa organisà torno a oto fameje pi inportanti, che le controla la vita politega del paexe anca ancò. La mancansa de unità la ga indebolio el grupo de fronte a i atachi da de fora.
Periodo coloniale
canbiaVerso el 1845, i boeri del Sudafrica i ga scominsià a atacar i acanpamenti tswana rente de la frontiera co el Transvaal. En tel 1876, i cai Setshele del clan Kwena e Khama del clan Ngwato, i ga domandà a i inglexi de la colonia del Cao de jutarli contro le incursioni boere. I do cai i parlava a nome de i so do clan, e no podea parlar a nome de tuti i tswana. I inglexi i xe stà veleci in tel rispondare e intervenir. A i inglexi no ge interesava el paexe, che nol xera fertile e no gavea materie prime. I inglexi i volea el control del teritorio par inpedir che i boeri de le republiche auonome del Transvaal e de l’Orange le se metese in comuicasion co la Namibia, controlada da i todeschi. I inglexi i ga alora proclamà el protetorato e dato el nome de Bechuanaland.
I inglexi i ga promoso i trasporti co la costrusion de na ferovia che portase i minerai da le miniere del Zinbabwe (alora Rhodesia) a i porti del Sudafrica. La ferovia la xe stà pronta in tel 1897. I tswana i ga caio che i podea usar la ferovia a so cantagio e i ga scominsià a esportar vache in Sudafrica, e fin in tel Regno Unio. Co i inglexi i ga meso insieme i vari teritori de l’Africa Australe, i tswana i xe stà boni de tegnar el Bechuanaland fora dal novo Stato del Sudafrica. I no ga podù star fora da la dependensa del Sudafrica. El Botswana el xe on paexe lontan dal mar e no ga sbochi direti che a i porti de Durban e Port Elisabeth in Sudafrica. En tel periodo de la colonia no ge stà altri tentativi de svilupo. I inglexi i controlava el paexe da i ufici in Mafikeng, in Sudafrica e i no gavea voja de svilupar el paexe.
Indipendensa
canbiaLa majoria de i tswana la ga acetà el cristianeximo. I fioi de i cai clan i ndava in Inghiltera par studiar. One de questi, Seretse Khama, el xe diventà famoxo in tel Regno Unio in tel 1948 parché el se sa sposà co na bianca, Ruth Williams. Khama el xera l’erede direto del cao de i Ngwato, el clan pi inportante de i tswana. El Sudafrica el ga dito sensa mezi termin che el no gavaria acetà on paexe direto da on nero sposà co na bianca. El Sudafrica el xera in tel pien svilupo de l’partheid. Anca i conservatori inglexi i ga protestà. Khama el xe restà in Inghiltera fin al 1956, co el ga rinuncià a diventar el prosimo cao de i Ngwato. Na olta tornà in Bechuanaland, Khama el ga fondà el Bechuanaland (pi tardi Botswana) Democratic Party (Partio Democràtego del Bechuanaland) e domandà l’autogoverno. En tel 1961 i inglexi i ga conceso l’autogoverno. El 30 setenbre 1966 Khama el xe diventà el primo presidente de la republica del Botswana.
Svilupo
canbiaL’indipendensa politega la se sa subito scontrà co la realtà locale. El paexe el xe quasi tuto desertico e, tolte poche zone fertili, el nol pol sostegnar la popolasion. L’agricoltura la xe a mala pena suficente par rifornir le xone rurali, mentre l’alevamento de bestie el ga bisogno de no sbolo su i marcati esteri. El Botswana el sa catà a esar dipendente dal Sudafrica, do tanti andava par laorar inte le miniere.
El canbio de prospetiva el xe rivà in tel 1967. A Makgadikgadi, rente de Orapa, la compania De Beers la ga catà i diamanti. Le miniere le ga scominsià a produr in tel 1970, co el governo che intascava el 70% de i proventi. Altre miniere le xe entrà in produsion a Jwaneng in tel 1882. La scoperta de i diamanti la ga fato studiar el teritorio e altri giacimenti de oro, rame, nickel, carbon e altri i xe stà catadi.
Le entrate de i minerai le ga parmeso al governo de programar on piano de svilupo nasionale. El governo el ga subito costruio na strada par colegarse a Kazungula, in Zanbia. En sto modo, el Botswana el ga na via de comunicasion internasional che no la dipende ne dal Sudafrica ne dal Zinbabwe. A quel tenpo sti do Stati i xera razisti e i podea schisar el Botswan co i volea. A livel internasional el Botswana el ga laorà par formar on fronte unio contro el Sudafrica e la Rhodesia (ancò Zinbabwe). En tel 1974, co Zanbia e Tanzania, la ga forma el Front Line State, l’organizasion de i Stati che frontegiava el Sudafrica de l’apartheid. A lo steso tenpo, el Botswana el ga dovù star atento a no tirar masa la corda, visto che importasioni e esportasioni le continuava a pasar par el Sudafrica. El Botswana el ga anca dato vita a la Comunità de Svilupo de l’Africa Australe (SADC). La SADC la ga i so ufisi sentrali a Gaborone e la funsiona dal 1992.
Democrasia
canbia
Seretse Khama el xe morto in tel lulio 1980. El vice presidente – Quett Masire – el xe diventà presidente. Masire el se sa ritirà in tel 1988, prima de la fin del so mandato par farge posto a Festus Mogae.
El Partio Democràtego del Botswana (BDP) el ga dominà la vita politega de sto Stato. Solo inte i ultimi ani, altri partii – par lo più fasioni del BDP che le se sa stacà ne i ani – i ga scominsià a domandar pi potere. El Fronte Nasionale del Botswana el stava diventando el vero partio de le zone urbane, ma el se sa divixo in do par de le questioni interne. No se prevede grandi canbiamenti inte la vita politega de sto paexe.
