Storia de Mauritius

La storia de le Mauritius la scominsia co l’arivo de i portoghexi in tel 1507. I storici de le migrasioni axiàteghe i pensa che popolasioni malexi le xe pasé de qi inte el V secolo d.C., ma no ghe prove. Se pensa anca che i marcanti arabi e persiani i conosese ste ìzołe, ma no ghe documenti scriti o ricatamenti archeologici par provarlo. Na carta del 1502 del cartografo italian Alberto Cantino riporta tre ìzołe inte la zona de le Mascarene, ma no ghe prove che el savese la posision de le Mauritius. El xe probàbiłe che Cantino el gabia disegnà la posision de le ìzołe basandoxe so la notasion araba che parlava de le ìzołe Waqwaq – on termine generico par riferirse a tute le ìzołe de l’Oseano Indiano.

Mapa de Mauritius

Portoghexi canbia

I portoghexi i ga trovà le ìzołe de Riunion, Mauritius e Rodrigues par caso durante na spedision in tel Golfo del Bengala soto la guida de Tristão da Cunha. Le navi de la spedision le ga catà on ciclon e le ga dovù canbiar rota. Le xe finie rente de la Riunione el 9 febraio 1507 e i la ga ciamà Santa Apolonia. Dopo pochi dì i xe rivà su l’ìzoła de Mauritius che lori i ga ciamà Cirne, dal nome de la nave del caitan Diogo Fernandes Pereira che par primo el ga visto l’ìzoła. L’ìzoła de Rodrigues la xe stà ciamà Diogo Fernandes. El nome de Mascarene vien da Dom Pedro de Mascarenhas che el ga visità le ìzołe in tel 1513. I portoghexi no i ga dato importansa a le ìzołe parché lori i gavea za i porti longo la costa africana e le basi de Goa, de Malabar e Ceylon (ancò Sri Lanka). Le ìzołe Mascarene no le xera inportanti par i loro comerci. Anca parché vegnar fora da le baie de Mauritius – senpre co venti contrari – nol xera fasile.

Olandexi canbia

 
Mapa olandexe de Mauritius

En tel setembre 1598, sinque navi olandexi caitanate da l’amiralio Wybrandt Van Warwyck le se sa stacà da on corpo de spedision de oto navi par colpa de on ciclone e le xe rivà el 17 a l’ìzoła de Mauritius. I ga dato el nome de ‘Prinsipe Maurits van Nassaueiland’ in onor del regente de Olanda. De sto nome solo Maurits (Mauritius in latino) el xe restà fin ancò. I olandexi i ga scominsià a usar l’ìzoła come na base durante i so viagi verso el sud-est axiatico.

Dal 1638 al 1710 i olandexi i gavea na colonia so l’ìzoła rente de Port Luis. La coloni la dovea svilupar l’ìzoła. Co el laoro de on centinaro de sciavi, i olandexi i racogliea la scorsa de ebano e pi tardi tajando ebano e altri albari de la foresta. Cicloni, epidemie e altre traversie le ga inpedio lo svilupo de la colonia. Alcuni goevrnatori i ga provà a svilupar el potentiale agricolo inportando la cana da sucaro, ma tuti i tentativi i xe falidi. I colonisatori i xe anca riusidi a copar tuti i dodo, on osel che no volaa e che no podea scampar da i fusili de i eoropei, e le tartarughe giganti che vivea su l’ìzoła. I olandexi i ga abandonà l’ìzoła in tel 1710.

Francexi canbia

 
Mapa francexe del 1791 co ‘l’ìzoła de Fransa’

I francexi i ga ocupà l’ìzoła in tel 1715 e i la ga ciamà Ixola de Fransa. La colonia la xe scominsiada sole chen tel 1721. I francexi i ga costruio la sità de Port Louis, cantieri navali e svilupà lo sfrutamento agricolo. Da l’ìzoła i francexi i ghe fazea partir le spedisioni contro le navi inglexi che le navigava in tel Oseano Indiano. I inglexi i ga risposto in tel 1810 ocupando l’ìzoła. Co el tratato de Parigi, l’ìzoła la pasava soto el control inglexe e tornava al vecio nome de Mauritius.

Inglexi canbia

I inglexi i ga abolio la s-ciavitù e portà su l’ìzoła laoratori da l’India par tor el posto de i sciavi, de origine africana. La composision demografica de l’ìzoła la xe canbià. Da alora, la majoria de la popolasion la xe de origine indiana, co la minoransa de origine francexe che controla le piantagioni de cana da sucaro. Dopo la seconda guera mondiale, el Regno Unio el ga fato sapere a i mauritiani che i dovea prepararse a l’autogoverno verso l’indipendensa. La indipendensa la xe rivà el 12 marso 1968 e Sir Seewoosagur Ramgoolam, leader de on partio socialista, el xe stà eleto primo ministro.

Mauritius moderno canbia

Da l’indipendensa, i vari governi i se sa alternà co el sostegno na olta de i indiani, l’altra de i franco-maurisiani. Le Mauritius le xe diventà na republica in tel 1990 co Paul Berenger presidente. Ancò el governo de Mauritius el serca de guidare el paexe verso el svilupo alternativo. La cana da sucaro la rimane inportante, ma el setore tesile e bancario i sta diventando senpre pi importanti. Da qualche ano, le fabriche de Mauritius le produse anca conponenti par conputer. El setor turistico el vien agevolà da la stabilità politega.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikipedia.org/w/index.php?title=Storia_de_Mauritius&oldid=1058100"